चित्र वेध (चित्र सौजन्य:अनामिक)
सरगम
सरगम
प्रमाणबद्ध लय...
आणि लयबद्ध अस्तित्व..
सुंदर अंतर्मनाचा बाहेर दिसणारा
मोहक force.. आवेश
विविध भावनांची रंग वसने .. त्यातील काही गहिरे...तर काही कमी गहिरे ..अशी रंगसंगती..
या एका क्षणांत...या क्षणी थांबलेला ...
भासणाऱ्या हृदयाचा ठोका..
म्हणजेच आयुष्याचा ताल...ठेका...
या क्षणात थांबलेला..
जे गेले मागे ते मागे पडले हे दर्शविणारे हस्तक...
आणि सर्वात सुंदर...
निमुळत्या काळाच्या पायाच्या बोटांच्या पंचमहाभुतांनी साधलेली..
या क्षणाची आनंदाची,सुखाची,नात्याची...
स्व अस्तित्वाची नेमकी सम...
की स्पंदनात स्थिरावलेली सरगम...
लेखन: मुकुंद इंगळे
