(चाल:तू प्यार का सागर है)
प्रेमाचा सागर तू..
तुझ्या थेंबाची आस आम्हा
माघारी बोलव तू...
जाऊ सोडून जगास तेव्हा
प्रेमाचा सागर तू…
व्याकुळ मनीचा वेडा पक्षी
भरारीस अधीर किती
कोमल पंख अधू नजर घेउनी
जायचे पैलतटी
आता अम्हा दावीसी ही
चूकली वाट कुठे ते तू
एकीकडे हे जीवनगाणे
तितकेच मरण खरे
कुणास ठाऊक यातील सीमा
प्रश्न हा फक्त उरे
कानी या दिशा ती सांग
की आलो इथवर कसे ते तू
गीतांतर:मुकुंद इंगळे
No comments:
Post a Comment