नजर आणि दृष्टी

चित्र वेध (चित्र सौजन्य:अनामिक)
*नजर आणि दृष्टी*
कॅमेरा कधी कधी एखाद्या छायाचित्रातील जवळच्या गोष्टी स्पष्ट आणि मागील गोष्टी अस्पष्ट दाखवतो...त्यासाठी छायाचित्र काढताना भिंग, हव्या असलेल्या परिणामानुसार, मागे पुढे सरकवून काढावे लागते.
पण आपली दृष्टी,पाहताना दूर आणि जवळ असलेल्या गोष्टींमधील अंतर त्रिमिती स्वरूपात स्पष्टपणे दाखवते.

आपल्या मनाला या दोन्ही कला अवगत असतात....
एखादा ओळखीचा माणूस भेटला तर ते कॅमेऱ्याच्या भिंगाप्रमाणे...त्याचा आपल्याला माहीत असलेला भूतकाळ डोळ्यासमोर पार्श्वभूमी म्हणून काहीसा अस्पष्ट, पण नोंद घ्यावी लागेल इतके भान ठेवून त्याच्याशी वागते...
तेव्हा आपण *नजरेने* पाहतो त्याच्याकडे.

तर नव्याने ओळख होतांना...ओळखीच्या संदर्भांची ..वर्तमानातील काळाचे पदर...त्यातील अंतर...त्रिमितीय पद्धतीनुसार स्पष्टपणे उलगडते.
यावेळी आपण *दृष्टीने* पाहतो त्याच्याकडे.
समोरच्या माणसाला "आत" रजिस्टर करण्यासाठी आवश्यक असलेली ही KYC( Know Your Consciousness) प्रोसेस असावी बहुधा.
लेखन:मुकुंद इंगळे